BAKI,AzerVoice
Dünyanın ən yaşlı insanı olan rahibə Inah Canabarro Lucas 116 il və 326 gün yaşadıqdan sonra həyatını itirib.
AzerVoice xəbər verir ki, Braziliya Teresian Rahibələr Cəmiyyətinin açıqlamasında Lucasın “fədakarlıq və sədaqətlə dolu” bir ömür yaşadığı qeyd edilib.
8 iyun 1908-ci ildə anadan olan Lucas, bu ilin əvvəlində 116 yaşında vəfat edən yapon Tomiko Itooka’dan sonra dünyanın ən yaşlı insanı titulunu alıb. Ötən həftə 88 yaşında vəfat edən Papa Fransisk Lucasın 110-cu ad günündə onu xüsusi olaraq təbrik edib.
Rahibə eyni zamanda Porto Allegredəki Sport Club Internacional futbol klubunun da pərəstişkarı idi. Klub X platformasında dərc etdiyi yazıda ona hörmətini ifadə edib.
Braziliya həm də dünyanın ən yaşlı kişisinə ev sahibliyi edir. Cearadan olan 112 yaşlı Joao Marinho Neto Ginnesin Rekordlar Kitabı tərəfindən dünyanın ən yaşlı kişisi kimi təsdiqlənib.
ABŞ mərkəzli Gerontoloji Araşdırma Qrupu (GRG) və LongeviQuest məlumat bazasına görə, Inah Canabarro Lucasın vəfatından sonra dünyanın ən yaşlı insanı titulu 115 il 252 gün yaşayan İngiltərənin Surrey şəhərindən olan Ethel Caterhama keçib.
