Bakı, AzerVoice

Son günlər ABŞ və İngiltərədə yayılmağa davam edən noravirus infeksiyası, mədə və bağırsaq sisteminə təsir edən yoluxucu virusdur.

AzerVoice xəbər verir ki , Noravirus qastroenteritə (mədə-bağırsaq iltihabı) səbəb olan çox yoluxucu bir virusdur. O, çirklənmiş qida, su, səthlər və ya birbaşa yoluxmuş insanlarla təmas yolu ilə asanlıqla ötürülə bilər.

Noravirus qriplə qarışdırılsa da, tənəffüs yollarına deyil, həzm sisteminə təsir edir. Əsas simptomları, ürəkbulanma və qusma , şiddətli ishal, qızdırma, baş ağrısı və əzələ ağrılarıdır.

Xüsusilə uşaqlar və yaşlılar üçün maye itkisi ciddi təhlükə yarada bilər. Simptomlar uzun müddət davam edərsə, tibbi yardım alınmalıdır.

Noravirusdan qorunmaq üçün:

Əl gigiyenasına diqqət yetirin: Əllərinizi sabit şəkildə sabun və su ilə yuyun. Əl dezinfektanları norovirusa qarşı yetərli olmaya bilər.
Qida gigiyenasına riayət edin: Meyvə və tərəvəzləri yaxşıca yuyun, yemək hazırlayarkən təmizliyə önəm verin.
Səthləri dezinfeksiya edin: Xüsusilə mətbəx və vanna otağında gigiyenaya diqqət edin.
Yoluxmuş şəxslərlə təmasdan qaçının: Ətrafınızdakı biri norovirusa yoluxubsa, mümkün qədər məsafə saxlayın və gigiyena qaydalarına daha çox riayət edin.

Noravirusun yayılması ciddi bir sağlamlıq problemi yaradır. Gigiyenik tədbirlərə əməl edərək və risk faktorlarına qarşı ehtiyatlı davranaraq bu virusdan qorunmaq mümkündür. Simptomlar şiddətlənərsə və ya uzun müddət davam edərsə, mütləq həkimə müraciət edilməlidir.