Bakı,
AzerVoice
İsrail və HƏMAS arasında razılaşdırılan atəşkəs və əsir mübadiləsi
çərçivəsində, birinci mərhələdə azad ediləcək 33 israilli məhbusun
siyahısı açıqlanıb.
AzerVoice xəbər verir ki, İsrail
mətbuatında yer alan məlumatlara görə, bu məhbuslar 19 yanvar bazar
günü azad ediləcək.
İsrail Baş Nazirliyi tərəfindən verilən açıqlamaya əsasən,
müqavilənin imzalanması və hökumət tərəfindən təsdiqlənməsi ilə
bağlı bəzi gecikmələr olsa da, məhbusların sərbəst buraxılacağı
hələ də planlaşdırıldığı şəkildə olacaq.
Razılaşmaya əsasən, bu mərhələdə azad ediləcək məhbuslar əsasən qadınlar, qocalar və xəstələrdən ibarət olacaq. Beynəlxalq Qırmızı Xaç Komitəsi (BQXK), bu mübadilə prosesini həyata keçirəcək və Qəzzada saxlanılan məhbusları İsrail ordusuna təhvil verəcək. Təhlükəsizlik prosedurları tamamlandıqdan sonra, İsrail Baş Nazirliyi azad edilən məhbuslarla bağlı ictimaiyyətə məlumat verəcək.