Bakı.AzerVoice
İsrailin “Haaretz” qəzetinin məlumatına görə, ölkə prezidenti İsxak Hersoq, hazırda korrupsiya ittihamları ilə mühakimə olunan Baş nazir Benyamin Netanyahunun əfv olunması imkanını nəzərdən keçirə biləcəyini açıqlayıb.
AzerVoice xəbər verir ki, Hersoq bildirib ki, Netanyahunun barəsində irəli sürülən cinayət ittihamları “çox mürəkkəbdir və ədliyyə sisteminə ağır yük gətirir”. Onun sözlərinə görə, o, artıq günahın etirafı müqabilində sazişə nail olunması təşəbbüsünü dəstəkləyib.
“Əgər məndən onun əfvi barədə xahiş olunsa, məsələni araşdıracağam. Bu zaman ictimaiyyətin rəyini də nəzərə alacaq, cəmiyyətin və dövlətin maraqlarını ön planda tutacağam. Mən prokurorluq və müdafiə tərəfini danışıqlara təşviq etməyə çalışdım”, - deyə İsrail prezidenti vurğulayıb.
Qeyd edək ki, Benyamin Netanyahu rüşvət, dələduzluq və etimadı sui-istifadə ilə bağlı üç ayrı cinayət işi üzrə ittihamlarla üz-üzədir.