BAKI, AzerVoice, Nərmin Ağayeva

Cənubi Koreya 15 ildə ilk dəfə Şimali Koreyaya istiqamətlənmiş “Azadlıq səsi” radio yayımlarını dayandırıb.

AzerVoice xəbər verir ki, Cənubi Koreyanın Müdafiə Nazirliyi Şimali Koreya ilə hərbi gərginliyi azaltmaq məqsədilə “Azadlıq səsi” radio proqramının yayımını dayandırdığını açıqlayıb. Nazirlikdən verilən məlumata görə, yayım günün əvvəlində tamamilə dayandırılıb və bu, 2010-cu ildən bəri ilk belə addımdır. Radio proqramında K-pop mahnıları ilə yanaşı, Şimali Koreya ilə bağlı xəbərlər, o cümlədən Pxenyanın Rusiyaya qoşun göndərməsi kimi hadisələr haqqında məlumatlar yayımlanırdı.

Bu radio yayımı 2010-cu ildə Şimali Koreyanın Cənubi Koreyanın “Cheonan” hərbi gəmisinin batırılmasında iştirak etdiyi iddialarından sonra yenidən bərpa edilmişdi. Yeni prezident Li Jae-myungun vəzifəyə gəlişindən sonra Seul hökuməti gərginliyi azaltmaq üçün səsgücləndiricilərdən istifadə edilən təbliğat kampaniyalarını da dayandırıb. Bu addıma cavab olaraq Şimali Koreya da sərhəddəki təbliğat fəaliyyətlərini məhdudlaşdırdığı iddia edilsə də, Şimali Koreya lideri Kim Çen Inın bacısı Kim Yo-jonq bu iddiaları yalanlayaraq, ölkəsinin “təbliğat səsgücləndiricilərini” yığışdırmadığını bəyan edib.

Qeyd edək ki, Cənubi Koreyanın bu addımı Şimali Koreya ilə münasibətləri normallaşdırmaq və Koreya yarımadasında sülhü təşviq etmək məqsədi ilə atılıb, lakin Şimali Koreyanın cavabı gərginliyin tam aradan qalxmadığını göstərir.