BAKI, AzerVoice, Nailə Babazadə
Türkiyə Prezidenti Rəcəb Tayyib Ərdoğan bu gün Beştepedə Koreya Respublikasının Prezidenti Li Çzyo Myungu rəsmi mərasimlə qarşılayacaq.
AzerVoice xəbər verir ki, qarşılanma mərasimindən sonra iki lider arasında təkbətək və nümayəndə heyətləri arasında görüşlərin keçirilməsi gözlənilir.
Ziyarət çərçivəsində Türkiyə və Koreya Respublikası arasında strateji tərəfdaşlığın gələcək istiqamətləri müzakirə olunacaq. Danışıqların əsas gündəmini ikitərəfli siyasi münasibətlər, müdafiə sənayesi sahəsində yeni layihələr, nəqliyyat və infrastruktur əməkdaşlığı, həmçinin yüksək texnologiya və innovasiya sahələrində qarşılıqlı investisiya imkanları təşkil edəcək.
Tərəflərin, ticarət dövriyyəsinin artırılması, kritik texnologiyaların birgə istehsalı, enerji layihələri və şirkətlər arasında əməkdaşlığın genişləndirilməsi ilə bağlı bir sıra sazişlər üzərində də fikir mübadiləsi aparacağı bildirilib.
Ziyarətin iki ölkə arasındakı strateji əməkdaşlığa yeni dinamika qatacağı gözlənilir.