BAKI, AzerVoice, Səməd Əyyubov
Əfqanıstanda 5,7 maqnitudalı zəlzələ qeydə alınıb.
AzerVoice xəbər verir ki, bu barədə Özbəkistan Fövqəladə Hallar Nazirliyinin Seysmopronostik Monitorinq Mərkəzi məlumat yayıb.
Məlumata görə, zəlzələ yerli vaxtla saat 18:27-də (Bakı vaxtı ilə 17:27-də) baş verib. Zəlzələnin episentri Bədəxşan bölgəsində yerləşib. Bildirilib ki, episentrdə təkanların gücü 3 bal təşkil edib.
Qeyd edək ki, təkanlar həmçinin Özbəkistanın 7 bölgəsində və Daşkənddə 2 bal gücündə hiss olunub. Sərhəddə yerləşən Surxandərya vilayətində isə 2–3 bal aralığında qeydə alınıb.
İnsan tələfatı və dağıntılar barədə məlumat yoxdur.
