BAKI, AzerVoice, Səməd Əyyubov
Niderlandın xarici işlər naziri vəzifəsini icra edən Kaspar Veldkamp İsrailə qarşı əlavə tədbirlərin tətbiqi məsələsində hökumət daxilində konsensusun olmaması səbəbindən istefa verib.
AzerVoice xəbər verir ki, bu barədə NU.nl portalı məlumat yayıb.
“Mən başa düşdüm ki, hər hansı əhəmiyyətli əlavə tədbirlər görə bilməyəcəyəm” – deyə, Veldkamp bildirib.
Veldkamp həmçinin əlavə edib ki, vacib hesab etdiyi addımları “müstəqil və sərbəst şəkildə həyata keçirmək imkanı görmədiyi üçün” səlahiyyətlərindən imtina edib.
Qeyd edək ki, ötən cümə günü Niderland nazirlər kabineti Veldkampın Qəzza zolağında İsrailin hərbi əməliyyatları ilə əlaqədar irəli sürdüyü əlavə sanksiya təkliflərini bir neçə saat müzakirə edib.