BAKI, AzerVoice, Səməd Əyyubov
Kamçatkada 5,1 maqnitudalı zəlzələ baş verib.
AzerVoice xəbər verir ki, bu barədə Rusiya Elmlər Akademiyasının Birləşmiş Geofizika Xidmətinin Kamçatka filialı məlumat yayıb.
Məlumata görə, yeraltı təkanların ocağı 40,1 kilometr dərinlikdə yerləşib. Zəlzələ Petropavlovsk-Kamçatski şəhərindən 252 kilometr məsafədə qeydə alınıb.
Zəlzələnin hiss olunub-olunmaması barədə məlumat verilməyib.
Qeyd edək ki, iyulun 30-u səhər saatlarında Kamçatka sahillərində güclü zəlzələ olmuşdu. Bu, bölgədə 1952-ci ildən bəri qeydə alınan ən güclü zəlzələ idi. Rəsmilərin bildirdiyinə görə, onun maqnitudası 8,8-ə çatıb. RAN-ın Kamçatka filialı isə bu göstəricinin 8,7 olduğunu açıqlayıb. Daha sonra 5 bal və daha yuxarı gücdə bir neçə zəlzələ qeydə alınıb.
