BAKI, AzerVoice, Nərmin Ağayeva
İsrail ordusu Qəzza şəhərinin işğal planının əsas çərçivəsini təsdiqləyib.
AzerVoice xəbər verir ki, İsrail Baş Qərargah rəisi Eyal Zamir Təhlükəsizlik Kabinetinin qərarından sonra Qəzza şəhərinin işğal planını təsdiqləyib. Ordunun məlumatına görə, Zamir bu barədə ordu komandanlığı və Şin Bet rəhbərliyi ilə görüş keçirib.
Bəyanatda qeyd olunub ki, plan siyasi rəhbərliyin göstərişlərinə uyğun olaraq hazırlanıb və təsdiqlənib. Görüşdə həmçinin ordunun son günlər Zeytun məhəlləsinə endirdiyi hücumlar da müzakirə olunub.
Qeyd edək ki, İsrail Təhlükəsizlik Kabineti avqustun 8-də Qəzza şəhərinin işğalı planını təsdiqləyib. Baş nazir Benyamin Netanyahu Fox News-a açıqlamasında Qəzza zolağının tam işğalını hədəflədiklərini bildirib. Yerli mediada isə hücumların mərhələli şəkildə həyata keçiriləcəyi, ilk mərhələnin Qəzza şəhərində başlayacağı və daha sonra digər bölgələrə uzanacağı bildirilib.