BAKI, Azervoice, Nərmin Ağayeva
Belçika, İsrail hökumətinin Qəzza zolağının tam hərbi yolla ələ keçirilməsi planına görə İsrailin Brüsseldəki səfirini Xarici İşlər Nazirliyinə çağırıb.
Azervoice xəbər verir ki, Belçika xarici işlər naziri Hadja Lahbib Prevot, milli medianın Belqa xəbər agentliyinə açıqlamasında, səfir İdit Rosenzveyq-Abunun planla bağlı izahat üçün nazirliyə çağırıldığını bildirib. Nazir İsrailin qərarını pisləyərək, bunun geri çevrilməsi üçün beynəlxalq ictimaiyyətin təcili hərəkətə keçməli olduğunu vurğulayıb.
Qeyd edək ki, Prevot həmçinin E1 layihəsi də daxil olmaqla, Fələstin torpaqlarının zəbtini və Fələstin dövlətinin ərazi bütövlüyünü təhdid edən bütün addımları “beynəlxalq hüquqa və BMT ilə Beynəlxalq Ədalət Məhkəməsinin qərarlarına zidd” kimi qiymətləndirib.
