BAKI, TurkicWorld, Nərmin Ağayeva
Netanyahu Qəzza məhbuslarının həyatına görə cavabdehdir.
Azervoice xəbər verir ki, HƏMAS Siyasi Bürosunun üzvü Usamə əl-Həmdan İsrail hökumətini Qəzzada saxlanılan məhbusların həyatına görə tam məsuliyyət daşımaqda ittiham edib.
Həmdan video müraciətində bildirib ki, bu məsuliyyət İsrailin atəşkəsə razılıq verməməsi, Qəzzaya qarşı tətbiq edilən blokada, aclıq və resurs çatışmazlığı siyasətindən qaynaqlanır. O, həmçinin israilli məhbus Evyatar Davidin sağlamlıq vəziyyətinə görə də məsuliyyətin Baş nazir Benyamin Netanyahunun üzərində olduğunu vurğulayıb.
HƏMAS rəsmisi qeyd edib ki, Qəzzada əsir saxlanılan israillilərə münasibət İslam prinsiplərinə uyğun şəkildə humanist çərçivədə aparılır. Lakin , İsrail həbsxanalarındakı fələstinlilər ağır şərait və işgəncələrə məruz qalır.
Qeyd edək ki, HƏMAS-ın silahlı qanadı İzzəddin əl-Qəssam Briqadaları avqustun 2-də Qəzzada saxlanılan israilli məhbus Evyatar Davidin yeni videosunu yayımlayıb. David videoda aclıq çəkdiyini, gücünün azaldığını və Netanyahuya “məhbusların vəziyyətinə diqqət yetirmək” çağırışı etdiyini bildirib.
