BAKI, AzerVoice
Litva Ukrayna üçün "Patriot" zenit-raket sistemlərinin alınmasına 30 milyon avro ayıracaq.
AzerVoice xəbər verir ki, bu barədə Litvanın milli müdafiə naziri Dovile Şakalene, ABŞ müdafiə naziri Pit Heqsetlə Pentaqonda keçirilən görüşdən sonra açıqlamada verib.
“Litva öz mövqeyini ortaya qoydu və ABŞ istehsalı olan silahların, xüsusilə də Patriot sistemlərinin alınmasında iştirak edəcəyini bildirdi. Bu məqsədlə təxminən 30 milyon avro ayıracağıq. Beləliklə, ABŞ Prezidenti Donald Trampın bu qərarını tam şəkildə dəstəklədiyimizi göstərən strateji bir mesaj vermiş oluruq” - deyə, açıqlamada bildirilib.
Qeyd edək ki, "The Washington Post" qəzetinin verdiyi məlumata görə, Almaniya Ukraynaya üç ədəd "Patriot" sistemini artıq təhvil verib. Həmçinin bildirilmişdi ki, Almaniya Vaşinqtonla əlavə sistemlərin tədarükü və əvəzlənməsi barədə danışıqlar aparır.
