BAKI, AzerVoice
İranın şəhər əhalisinin təxminən yarısı içməli su qıtlığı problemi ilə üz-üzədir.
AzerVoice xəbər verir ki, bu barədə İranın dövlət su təchizatı şirkətinin rəhbəri Haşem Amini bildirib.
“Qiymətləndirmələrə əsasən, ölkənin 29 vilayətində yerləşən 52 şəhərdə – xüsusilə Tehran, Məşhəd, İsfahan, Ərak, Bəndər Abbas və Yəzd şəhərlərində su problemi yaşanır. Bu isə o deməkdir ki, İranın şəhər əhalisinin təxminən yarısı içməli su çatışmazlığı ilə qarşılaşır” - deyə, vurğulayıb.
Qeyd edək ki, son 30 il ərzində İranda bərpa olunan şirin su ehtiyatlarının həcmi 132 milyard kubmetrdən 90 milyard kubmetrə düşüb. Bu isə 30 faizdən çox azalma deməkdir.