BAKI, AzerVoice
Qəzza zolağında baş verənlər artıq qəbuledilməzdir.
AzerVoice xəbər verir ki, Almaniya kansleri Fridrix Merz İsrailin Qəzzaya son hücumlarını tənqid edərək, bölgədəki vəziyyəti artıq qəbuledilməz adlandırıb və atəşkəsin vacibliyini vurğulayıb.
Berlin Federal Mətbuat Mərkəzində keçirilən mətbuat konfransında çıxış edən Merz bildirib ki, Almaniya atəşkəsə və bölgədəki mülki əhaliyə humanitar yardımın çatdırılmasına yönəlik təzyiqləri davam etdirəcək. O, Almaniya hökumətinin İsrailin Qərb Şəriyədəki məskunlaşma siyasətini dəstəkləmədiyini açıq şəkildə ifadə edib.
Qeyd edək ki, Merz İsrailə kömək etmək niyyətində olduqlarını
desə də, beynəlxalq hüquq prinsiplərindən kənar bütün hərəkətləri
qəbul etmədiklərini də bildirib.
Jurnalist Almaniyanın niyə İsrailə qarşı sanksiyalar tətbiq
etməkdən çəkindiyini, lakin Rusiyaya qarşı sanksiyaları
dəstəklədiyini soruşduqda Merz, "İsrail illərdir təcavüzkarlardan
özünü müdafiə edir. Rusiya isə beynəlxalq hüququ pozaraq müharibəyə
başladı" - deyərək, İsrail və Rusiyanı eyniləşdirməyə etiraz
edib.
O, həmçinin Almaniyadan bu gün Əfqanıstana deportasiya reysi təşkil edildiyini, həmin şəxslərin yaşayış icazələrinin olmadığını və bütün hüquqi prosedurların başa çatdığını bildirib.
