BAKI, AzerVoice
İranın xarici işlər naziri Seyid Abbas Araqçi sabah Çində rusiyalı həmkarı Sergey Lavrovla İranın nüvə proqramı məsələsini müzakirə edəcək.
AzerVoice xəbər verir ki, bu barədə İran Xarici İşlər Nazirliyinin sözçüsü İsmayıl Bəqai məlumat yayıb.
Bəqai bildirib ki, görüş Şanxay Əməkdaşlıq Təşkilatının (ŞƏT) xarici işlər nazirləri səviyyəsindəki iclası çərçivəsində baş tutacaq.
Bundan əvvəl Bəqai bildirmişdi ki, İran Rusiyadan və Çindən dəstək alaraq nüvə proqramı ilə bağlı yaranmış böhranın həlli istiqamətində əməkdaşlığı davam etdirir.
“Rusiya və Çin dəfələrlə İranın nüvə məsələsi ilə bağlı diplomatik proseslərə konstruktiv şəkildə töhfə verməyə hazır olduqlarını vurğulayıblar. Hələlik bu ölkələrdən konkret təkliflər verilməsə də, onların dəstəyi və bu istiqamətdəki pozitiv yanaşmaları İran tərəfindən hər zaman dəyərləndirilir və əməkdaşlıq davam edir” – deyə, Bəqai bildirib.