BAKI, AzerVoice
ABŞ Prezidenti Donald Tramp NATO baş katibi Mark Rutte ilə görüşəcək
AzerVoice xəbər verir ki, Tramp NATO vasitəsilə Ukraynaya silah satışının planlaşdırıldığını açıqlayıb.
O bildirib ki, ABŞ yüksək texnologiyalı silahları NATO müttəfiqləri vasitəsilə Ukraynaya çatdırmağa hazırdır və bununla bağlı bazar ertəsi önəmli bir açıqlama verəcək.
Bu bəyanatdan sonra NATO-nun baş katibi Mark Rutte bu həftə Vaşinqtonda Tramp, ABŞ dövlət katibi Marko Rubio, ABŞ müdafiə naziri Pit Heqset və Konqres üzvləri ilə danışıqlar aparacaq.
“Biz NATO müttəfiqlərinə çoxsaylı yüksək səviyyəli silahlar göndərəcəyik və bunun üçün bizə tam ödəniş ediləcək”- deyə Tramp bildirib
Ruttenin ABŞ səfəri Trampın ötən həftə verdiyi “Rusiyaya qarşı böyük açıqlama” vədi və eyni zamanda Ukraynanın Rusiyanın artan hava hücumlarına qarşı mübarizə apardığı dövrə təsadüf edir.
ABŞ Dövlət katibi Marko Rubio qeyd edib ki, Ukraynanın ehtiyac duyduğu silahların bəziləri hazırda Avropadakı NATO ölkələrində yerləşdirilib. Bu silahların əvəzlənməsi yolu ilə Ukraynaya daha tez çatdırılması mümkündür.