BAKI, AzerVoice
ABŞ prezidenti Donald Trampın milli təhlükəsizlik komandası bu həftə Ukraynaya əlavə silah tədarükünün, o cümlədən "Patriot" zenit-raket sistemlərinin verilməsi məsələsini müzakirə edəcək.
AzerVoice xəbər verir ki, bu barədə CNN telekanalı məlumat yayıb.
Mənbələrə görə, Tramp administrasiyası Ukraynaya əlavə hava hücumundan müdafiə (HHM) sistemlərinin göndərilməsi ilə bağlı daxili müzakirələr aparır.
Tramp Ukrayna prezidenti Volodimir Zelenski ilə telefon danışığında 10 ədəd "Patriot" raketinin göndəriləcəyini vəd edib. ABŞ lideri həmçinin əlavə tədarük yollarının tapılması üçün şəxsən dəstək göstərəcəyini bildirib.
“Politico” nəşrinin yazdığına görə, iyul ayının ilk yarısında Romada və Kiyevdə keçiriləcək görüşlərdən sonra ABŞ Ukraynaya silah tədarükünü bərpa edə bilər.
