BAKI, AzerVoice
Litvada İsrailin XİN naziri Saarın səfərinə etirazlar davam edir.
AzerVoice xəbər verir ki, İsrailin
xarici işlər naziri Gideon Saarın Litvanın paytaxtı Vilnüsə səfəri
zamanı ölkədə kütləvi etiraz aksiyaları keçirilib.
Nümayişçilər Litva Xarici İşlər Nazirliyinin qarşısında toplaşaraq
İsrailin Qəzza Zolağındakı hərbi əməliyyatlarını və insan haqları
pozuntularını pisləyiblər. Plakatlarda “Avropa maliyyə təmin
edərkən, İsrail bombalayır”, “Soyqırımı dayandırın” və “İsrailə
qarşı sanksiyalar” kimi şüarlar yer alıb.
İnsan haqları müdafiəçisi Ajus Jurgaitis bildirib ki, belə ittihamlar altında olan hökumət nümayəndəsinin rəsmi səfəri etik deyil.
Səfər zamanı Litvanın xarici işlər naziri Kestutis Budris və Saar birgə mətbuat konfransı keçirərək Qəzza zonasında humanitar vəziyyət və girov məsələlərini müzakirə ediblər. Budris humanitar yardımın artırılmasının vacibliyini vurğulayıb, Saar isə Həmasın girovları azad etməsi və tərksilah olunmasının müharibəni sona çatdıracağını bildirib.
Saar səfərini Latviya və Estoniyada davam etdirəcək.
