BAKI, AzerVoice

Bəhreyn, Konqo, Kolumbiya, Latviya və Liberiya 2026-cı il yanvarın 1-dən etibarən BMT Təhlükəsizlik Şurasının yeni qeyri-daimi üzvləri olacaqlar.

AzerVoice xəbər verir ki, bu barədə BMT Baş Assambleyasının səsvermə nəticələri göstərir.

Yeni üzvlər Təhlükəsizlik Şurasında Əlcəzair, Qayana, Koreya Respublikası, Sloveniya və Syerra-Leonenin yerini tutacaq. Bu ölkələrin səlahiyyət müddəti bu il dekabrın 31-də başa çatacaq.

Qətnamələr üzrə səsvermələrdə olduğu kimi, burada da hər ölkənin səsi böyük ekranda əks olunmur. Təhlükəsizlik Şurasının qeyri-daimi üzvlərinin seçilməsi proseduru gizli keçirilir. Bu il Baş Assambleyada keçirilən seçki gərginlik və rəqabət olmadan baş tutub.

Qeyd edək ki, BMT Təhlükəsizlik Şurasında 10 qeyri-daimi üzv var və hər il rotasiya qaydasında onların 5-i dəyişdirilir. Daimi üzvlərdən (Rusiya, Böyük Britaniya, Çin, ABŞ və Fransa) fərqli olaraq, qeyri-daimi üzvlərin veto hüququ yoxdur. Hazırda Təhlükəsizlik Şurasının qeyri-daimi üzvləri Əlcəzair, Qayana, Yunanıstan, Danimarka, Pakistan, Panama, Koreya Respublikası, Syerra-Leone, Sloveniya və Somalidir.