BAKI, AzerVoice
Pentaqon, "Lockheed Martin" müdafiə korporasiyasına 1 milyard dollardan artıq məbləğdə əməliyyat zərbə sistemi üçün modifikasiya hazırlanması sifarişi verib.
AzerVoice xəbər verir ki, bu barədə ABŞ Müdafiə Nazirliyinin saytında məlumat yayılıb.
Məlumata görə, "Lockheed Martin" şirkətinə proqramın idarə edilməsi, mühəndislik inkişafı, sistemlərin inteqrasiyası, raketlərin və "Conventional Prompt Strike" (Ənənəvi Sürətli Zərbə) sisteminin buraxılış proqramlarının istehsalı üçün zəruri olan materialların, alətlərin və avadanlıqların satın alınması xidmətlərini əhatə edən tam xidmət paketi sifariş edilib.
Xatırladaq ki, daha əvvəl "Lockheed Martin", pilotsuz döyüş tapşırıqlarını yerinə yetirə bilən beşinci nəsil F-35 qırıcılarını müasir avtonom idarəetmə sistemi ilə təchiz etməklə bağlı modernizasiya planlarını açıqlamışdı.
