BAKI, AzerVoice
Qonşuluq siyasətimiz bizim üçün çox önəmlidir və bu çərçivədə Səudiyyə Ərəbistanı xüsusi yer tutur.
AzerVoice xəbər verir ki, İranın xarici işlər naziri Abbas Araqçi Səudiyyə Ərəbistanının İranın qonşuluq siyasətində mühüm mövqe tutduğunu vurğulayıb və Tehran-Riyad münasibətlərinin zərər görməsinə imkan verilməyəcəyini bəyan edib.
Nazir bildirib ki, Həcc ziyarəti zamanı bir iranlı ruhaniyə Səudiyyə Ərəbistanında tətbiq edilən saxlanma məsələsi ilə bağlı dərhal reaksiya göstərilib.
Araqçi bu məsələ ilə bağlı Səudiyyə Ərəbistanındakı İran nümayəndələri və Həcc və Ziyarətlər Təşkilatının rəsmiləri ilə birbaşa əlaqə saxladığını və Həcc planlarının pozulmaması üçün səylərin davam etdirildiyini bildirib.
“İran ilə Səudiyyə Ərəbistanı arasındakı münasibətlərə ciddi yanaşırıq” – deyə Araqçi qeyd edib.
O, İranın Səudiyyə Ərəbistanı ilə “qardaşlıq münasibətləri”ni qorumaqda qərarlı olduğunu və bu əlaqələrə xələl gəlməsinə imkan verilməyəcəyini vurğulayıb.