Tramp İŞİD-ə birdəfəlik son qoymaq niyyətindədir - ABŞ rəsmisi

BAKI, AzerVoice

ABŞ Prezidenti Donald Tramp Suriyada “İslam Dövləti” (İŞİD) terror təşkilatına birdəfəlik son qoymaq niyyətindədir.

AzerVoice xəbər verir ki, bu barədə ABŞ-ın Suriya üzrə xüsusi nümayəndəsi Tomas Barak "Al Arabiya" telekanalına açıqlama verib.

"Tramp Suriyada İŞİD-ə birdəfəlik son qoymaq istəyir" – deyə, Barak bildirib. Onun sözlərinə görə, ABŞ ordusu İŞİD-ə qarşı mübarizə üzrə öz missiyasının 99 faizini artıq yerinə yetirib.

Qeyd edək ki, bundan əvvəl ABŞ-ın xüsusi nümayəndəsi Dəməşqdə yerləşən Xalq Sarayında Suriyanın prezidenti Əhməd əş-Şəraa və xarici işlər naziri Əsəd Həsən Şeybani tərəfindən qəbul edilib. Görüşdə Suriya böhranının siyasi yolla həlli və terrorizmlə mübarizə məsələləri müzakirə olunub.