BAKI, AzerVoice
Rusiya Federasiyasının nümayəndə heyəti Prezidentin köməkçisi Vladimir Medinskinin rəhbərliyi ilə iyunun 2-də İstanbulda Ukrayna tərəfinə böhranın ilkin səbəblərinin aradan qaldırılması ilə bağlı Rusiyanın mövqeyini əks etdirən memorandumu təqdim etməyə hazırdır.
AzerVoice xəbər verir ki, bu barədə Rusiya Xarici İşlər naziri Sergey Lavrov bəyanat yayıb.
"Rusiya tərəfi, razılaşdırıldığı kimi, böhranın əsas səbəblərinin etibarlı şəkildə aradan qaldırılması ilə bağlı mövqeyimizi əks etdirən müvafiq memorandumu tez bir zamanda hazırlayıb. Vladimir Medinskinin rəhbərlik etdiyi nümayəndə heyətimiz bu sənədi Ukrayna nümayəndə heyətinə təqdim etməyə və İstanbulda 2 iyun bazar ertəsi baş tutacaq birbaşa danışıqların ikinci raundu çərçivəsində zəruri izahatlar verməyə tam hazırdır" - deyə, bəyanatda qeyd olunub.
