BAKI, AzerVoice
Almaniya İsrailin Qəzzadakı hərbi hücumlarını artırmasına baxmayaraq, ölkəyə silah satışını davam etdirəcək.
AzerVoice xəbər verir ki, bu barədə Almaniya xarici işlər naziri Yohan Vadeful bildirib.
“İsrailin təhlükəsizliyi və mövcudluğu əsas prinsip olaraq qəbul edildiyi üçün Almaniya bu ölkənin təhlükəsizliyini təmin etməyə hər zaman yardım etməyə borcludur” - deyə, Vadeful bildirib.
“Biz İsraili açıq şəkildə dəstəkləyirik, lakin Qəzza sakinlərinin yaşadığı faciəni də görməzdən gələ bilmərik” - deyə, o əlavə edib.
Nazir, fələstinlilərin Qəzzadan çıxarılmasına qarşı olduğunu bildirib və açlıq siyasətinə yol verilməməli olduğunu, humanitar yardım və ehtiyac duyulan materialların bölgəyə çatdırılmasının təmin edilməli olduğunu vurğulayıb.