BAKI, AzerVoice, Nailə Babazadə
ABŞ Tayvana raketlər və pilotsuz uçuş aparatları (PUA) daxil olmaqla, ümumi dəyəri 10 milyard dollardan artıq olan silah satış paketini açıqlayıb.
AzerVoice xəbər verir ki, ABŞ Dövlət Departamenti Tayvana silah satışına dair qərarı prezident Donald Trampın “Millətə müraciət” çıxışı zamanı elan edib.
Məlumata görə, paketə 82 ədəd HIMARS raket sistemi, 420 ədəd ATACMS (Quru Taktiki Raket Sistemi), 60 ədəd haubitsa sistemi, bu silahlara aid avadanlıqlar, eləcə də pilotsuz uçuş aparatları daxildir.
Ümumi dəyəri 10 milyard dollardan çox qiymətləndirilən paket çərçivəsində, həmçinin hərbi proqram təminatı, Javelin və TOW tank əleyhinə raketləri, helikopter ehtiyat hissələri və Harpoon raketləri üçün modernizasiya dəstləri də Tayvana təqdim ediləcək.