BAKI, AzerVoice
Böyük Britaniya, İsrail ordusunun Qəzza zolağında başlatdığı yeni hərbi əməliyyat səbəbilə İsraillə azad ticarət sazişi üzrə danışıqları dayandırıb.
AzerVoice xəbər verir ki, bu barədə Böyük Britaniyanın xarici işlər naziri Devid Lemmi, ölkə parlamentinin İcmalar Palatasında çıxışı zamanı məlumat verib.
“İsrailin hazırkı hökuməti ilə yeni azad ticarət sazişi üzrə danışıqları dayandırdığımızı bəyan edirəm” – deyə, nazir bildirib.
O, bu qərarın İsrailin Baş naziri Binyamin Netanyahunun humanitar yardımların Qəzzaya çatdırılmasına mane olması və bölgədə hərbi əməliyyatları genişləndirməsi ilə bağlı qəbul edildiyini vurğulayıb.
Lemmi əlavə edib ki, gələn çərşənbə axşamı Böyük Britaniyadakı İsrail səfiri Tzipi Hotoveli Xarici İşlər Nazirliyinə çağırılacaq.
