BAKI, AzerVoice
İran ilə 2015-ci il nüvə sazişinin Avropa tərəfləri İngiltərə, Fransa və Almaniya (E3 ölkələri),16 may tarixində İstanbulda xarici işlər nazirinin müavinləri səviyyəsində görüş keçirəcək.
AzerVoice xəbər verir ki, görüşdə tərəflər İranın nüvə proqramı və sanksiyaların ləğvi məsələlərini müzakirə edəcəklər.
Danışıqların yüksək səviyyəli diplomatlar və xarici işlər nazirinin müavinləri tərəfindən aparılacağı bildirilib.
Xatırladaq ki, İran ilə ABŞ arasında Oman vasitəçiliyi ilə davam edən nüvə müzakirələri paralel olaraq sürməkdədir. Hər iki tərəf bu danışıqları müsbət qiymətləndirir. İran, ABŞ-ın birtərəfli sanksiyalarını ləğv etməsi qarşılığında nüvə proqramını məhdudlaşdırmağa hazır olduğunu bildirir. Lakin bu prosesdə Avropa ölkələri iştirak etmir.
Tərəflər arasında gərginliyin əsas səbəblərindən biri isə BMT sanksiyalarının yenidən tətbiqinə səbəb ola biləcək "tetik mexanizmi" adlı maddədir. İran, Avropa ölkələrinin bu mexanizmi işə salmasından narahatdır. Qeyd edək ki, mexanizmin hüquqi müddəti 18 oktyabr 2024-cü ildə başa çatır.
Əgər İranın nüvə proqramı ilə bağlı ortaq həll tapılmasa, Avropanın həmin tarixdən əvvəl bu maddəni işə sala biləcəyi ehtimal olunur.
