BAKI, AzerVoice
Yer kürəsində G4 səviyyəli maqnit qasırğası müşahidə olunur.
AzerVoice xəbər verir ki, hazırda Yer kürəsinin maqnit sahəsinin dəyişkənliyi G3-dən G4 səviyyəsinə yüksəlib. Bu, beş pilləli şkalada “çox güclü” (G4) səviyyədir; G5 isə “ekstremal güclü”, G1 isə “zəif” səviyyədir.
G4 səviyyəsi Yer kürəsində ciddi rabitə pozuntularının, o cümlədən radiodalğalarla əlaqənin pozulmasının, peyk və radiotezlik naviqasiyasının bir neçə saatlıq dayanmasının mümkünlüyünü nəzərdə tutur. Eyni zamanda, hətta tropik enliklərdə belə qütb parıltıları müşahidə edilə bilər.
Qeyd edək ki, mayın 31-də Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyası və Sibir Bölməsi Günəş Fizikası İnstitutunun mütəxəssisləri Günəşdə bu ilin ən böyük plazma atımı ilə müşayiət olunan M8.2 sinifli alovlanma qeydə aldıqlarını açıqlamışdılar.
Məlumat üçün bildirək ki, Günəşdəki alovlanmalar rentgen şüalanmasının gücünə görə A, B, C, M və X olmaqla beş sinifə bölünür. A0.0 minimum sinifdə Yerin orbitində şüalanmanın gücü 10 nanovat/sm² olur. Hər növbəti hərfə keçdikdə güc on dəfə artır. Alovlanmalar adətən Günəş plazmasının atılması ilə müşayiət olunur və bu plazma buludları Yerə çatanda maqnit qasırğalarını təhrik edə bilər.
