BAKI, AzerVoice
ABŞ Rusiya və Ukrayna arasında vasitəçilik rolunu öz üzərindən götürmür, lakin əgər münaqişənin həlli prosesində irəliləyiş əldə olunmasa, bu mövqe dəyişə bilər.
AzerVoice xəbər verir ki, bu barədə ABŞ Dövlət Departamentinin mətbuat xidmətinin rəhbəri Temmi Bryus "Fox News" telekanalına verdiyi açıqlamada bildirib.
“Hazırda mövqeyimiz dəyişməz olaraq qalır. Lakin əgər tərəflər arasında irəliləyiş olmazsa, bu dəyişiklik baş verəcək və bizim vasitəçilik fəaliyyətimizə təsir edəcək” - deyə, o vurğulayıb.
Bryus bunun ABŞ-ın Ukraynanı və ya sülh prosesini tərk etməsi anlamına gəlmədiyini vurğulayıb.
“Bu, bizim atəşkəsə nail olmaq və ya bu çərçivə daxilində və ümumilikdə münaqişənin bitməsi üçün dəstək göstərmək istəyimizdən imtina etdiyimiz demək deyil” – deyə, o əlavə edib.
Bu kontekstdə Bryus, ABŞ dövlət katibi Marko Rubionun son açıqlamalarını da xatırladıb. Onun sözlərinə görə, Rubio bildirmişdi ki, Vaşinqton yaxın həftələr ərzində Rusiyanın bu prosesə nə dərəcədə ciddi yanaşdığını müəyyən etmək istəyir.
