BAKI,AzerVoice
Düşünürəm ki, hər kəsə, xüsusilə də prezident Putinə aydın olmalıdır: Almaniya Ukraynanın tərəfində olacaq.
AzerVoice xəbər verir ki, bu barədə Almaniyanın gələcək xarici işlər naziri Yoxan Vadeful Rusiya prezidenti Vladimir Putinə müraciətində bildirib.
“Biz Ukraynanı dəstəkləyəcəyik və bu ölkənin Rusiya ilə bərabər imkanlara sahib olması üçün çalışacağıq” – deyə o qeyd edib.
Vadeful həmçinin bu mövqeyi ABŞ prezidenti Donald Trampa da çatdırmaq istədiyini bildirib.
“ABŞ-ın maraqlarına güclü Ukraynanın Avropa İttifaqında olması daxildir”- deyə Vadeful vurğulayıb.
Qeyd edək ki, aprelin 24-də Rusiya XİN-in rəsmi nümayəndəsi Mariya Zaxarova bəyan edib ki, Qərb Ukraynanı hərbi cəhətdən dəstəkləməyə davam edir və bununla da Kiyevin cəbhədə vəziyyəti öz xeyrinə dəyişməsinə kömək etmək istəyir, lakin bu, reallaşmayan və çıxılmaz bir tapşırıqdır.
