Close Menu
    Digər Dövlətlər

    Klinton Orbanı Trampın siyasi təsiri altında olmaqda ittiham etdi

    Bizi buradan izləyin və Bizə yazın

    BAKI,AzerVoice, Fərid Mikayılov

    ABŞ-ın sabiq dövlət katibi Hillari Klinton Macarıstanın Baş naziri Viktor Orbanı Donald Trampın siyasi təsiri altında olan siyasətçi kimi qiymətləndirərək seçiciləri ona qarşı səs verməyə çağırıb.

    AzerVoice xəbər verir ki, bu barədə Klinton X sosial şəbəkə hesabında paylaşım edib.

    O bildirib ki, əgər adi bir macar vətəndaşı olsaydı, ölkəsinin maraqlarını prioritet sayan namizədi seçərdi, xarici siyasi təsir altında qərar verən siyasətçini deyil.

    Klintonun bəyanatı 12 aprel tarixində keçiriləcək parlament seçkiləri ərəfəsində səsləndirilib. Son ictimai rəy sorğularına əsasən, müxalif qüvvələr hakim partiya ilə rəqabətdə önə çıxır. Bununla yanaşı, seçki sisteminin təkmandatlı dairələr üzrə təşkil olunması yekun nəticələrin əvvəlcədən proqnozlaşdırılmasını çətinləşdirir.

    Ekspertlərin fikrincə, müxalifətin mümkün qələbəsi Macarıstanın xarici siyasət kursuna təsir göstərə bilər. Siyasi təhlilçilər bildirirlər ki, Orbanın opponentləri Ukraynaya dəstəyin gücləndirilməsinin tərəfdarıdır və bu, Budapeşt–Moskva münasibətlərində yeni mərhələ yarada bilər.

    Oxşar Xəbərər

    © 2026 Azervoice.