Close Menu
    Digər Xəbərlər

    İran-Rusiya strateji əməkdaşlığı bütün sahələrdə sürətlə icra olunur - Pezeşkian

    Bizi buradan izləyin və Bizə yazın

    BAKI, AzerVoice, Nailə Babazadə

    İran Prezidenti Məsud Pezeşkian Rusiyanın energetika naziri Sergey Tsivilyov və onu müşayiət edən nümayəndə heyətini Tehranda qəbul edib.

    AzerVoice xəbər verir ki, görüşdə Tehran-Moskva münasibətlərinin yeni əməkdaşlıq mərhələsində “mükəmməl və inkişaf edən” səviyyədə olduğu vurğulanıb. Pezeşkian ikitərəfli təmasların sürətlənməsindən məmnunluğunu ifadə edib.

    Prezident iki ölkə arasında imzalanmış uzunmüddətli strateji əməkdaşlıq sazişinin güclü, sürətli və dəqiq şəkildə icrasına sadiq olduqlarını bildirib. Onun sözlərinə görə, nəqliyyat, energetika, neft və qaz, kənd təsərrüfatı, müdafiə və təhlükəsizlik sahələrində razılaşdırılmış layihələrin həyata keçirilməsi davam edir.

    Pezeşkian xüsusilə tranzit dəhlizlərinin tamamlanmasının münasibətlərdə yeni mərhələ açacağını qeyd edib və region ölkələrinin problemlərini kənar qüvvələrin müdaxiləsinə ehtiyac olmadan həll etməsinin vacibliyini vurğulayıb.

    Rusiya energetika naziri Sergey Tsivilyov isə Prezident Vladimir Putinin salamlarını Pezeşkiyana çatdırıb və iki ölkə arasında keçirilmiş 19-cu Birgə İqtisadi Əməkdaşlıq Komissiyasının iclasının nəticələrini müsbət və səmərəli qiymətləndirib.

    Tsivilyov Rusiyanın İranla hərtərəfli və strateji əməkdaşlığı davam etdirməkdə qətiyyətli olduğunu bildirib və Prezident Vladimir Putinin Tehranla münasibətlərə xüsusi önəm verdiyini deyib. O əlavə edib ki, “İran ilə Rusiya arasındakı strateji münasibətləri heç kəs poza bilməz.”

    Oxşar Xəbərər

    © 2026 Azervoice.