BAKI, AzerVoice

Dominikan Respublikasında əyləncə məkanının damı uçaraq, 184 nəfərin ölümü ilə matəm elanına səbəb olub.

AzerVoice xəbər verir ki, Dominikan Respublikasının paytaxtı Santo Dominqoda yerləşən məşhur “Jet Set” əyləncə məkanının damının çökməsi nəticəsində azı 184 nəfər həyatını itirib.

Hadisə zamanı içəridə 300-ə yaxın insanın olduğu bildirilib.

Fövqəladə Əməliyyatlar Mərkəzinin (COE) rəhbəri Xuan Manuel Mendez-in sözlərinə görə, dağıntılar altından 150-dən çox yaralı çıxarılıb. Ölənlər arasında Amerika Beysbol Liqasının keçmiş oyunçusu Oktavio Dotelin də olduğu bildirilib. Hadisə zamanı səhnədə ifa edən məşhur müğənni Rubby Perez və orkestri sağ salamat xilas olunub. Səlahiyyətlilər fəlakətin səbəblərini araşdırmağa başladıqlarını açıqlayıblar.

Qeyd edək ki, Dominikan Respublikasının Prezidenti Luis Abinader faciə ilə bağlı açıqlamasında üç günlük matəm elan edib. Prezident əraziyə baxış keçirərək xilasetmə işlərinin fasiləsiz davam etdiyini və bütün müvafiq qurumların hadisəyə dərhal müdaxilə etdiyini bildirib.