Bakı. AzerVoice:

Təl-Əviv ABŞ prezidenti Co Baydenin Qəzza zolağında atəşkəs və əsir mübadiləsi ilə bağlı elan etdiyi təklifin əksər konturlarını qəbul edir.

AzerVoice xəbər veirir ki, bu barədə İsrail dövlət televiziyası KAN 11 yazıb. O qeyd edib ki, Təl-Əviv Baydenin elan etdiyi Qəzza zolağında atəşkəs və məhbus mübadiləsi təklifinin konturlarının əksəriyyətini qəbul edib.

Xəbərə görə, sözügedən təklifdə əvvəlcə İsrailli mülki vətəndaşların və qadınların, ardınca əsgərlərin azad edilməsi, yaşayan əsirlərin buraxılmasından sonra isə ölülərin təslim edilməsi yer alır.

Bayden mayın 31-də Ağ Evdəki çıxışında İsrailin üç mərhələdən ibarət yeni atəşkəs təklifi təqdim etdiyini bildirmişdi.

İsrailin baş naziri Benyamin Netanyahu isə Qəzza zolağında bütün məqsədlərinə çatana qədər müharibənin davam etdirilməsində israrlı olduğunu bildirmişdi.

Həmas həmçinin İsrailin təqdim etdiyi və ABŞ prezidenti Co Baydenin açıqladığı “daimi atəşkəs, işğalçı qüvvələrin Qəzza zolağından çıxarılması, yenidənqurma və əsir mübadiləsi” ilə bağlı elan etdiyi təkliflərə müsbət baxdıqlarını bildirmişdi.

Nəhayət, İsrail prezidenti İsaak Hersoq Baydenin Qəzza zolağında atəşkəs ilə bağlı elan etditi təklifin Baş nazir Benyamin Netanyahu tərəfindən qəbul ediləcəyi təqdirdə ona dəstək verəcəyini bəyan edib.