Bakı. AzerVoice:
HƏMAS İsraillə əsir mübadiləsinin şərtlərini açıqlayıb.
AzerVoice-nin məlumatına görə, bu barədə HƏMAS Hərəkatının Siyasi Bürosunun üzvü Usamə əl Həmdan bildirib.
“İsraillə əsir mübadiləsi razılaşması üçün Qəzzaya hücumlar birdəfəlik dayandırılmalıdır. Atəşkəsə nail olmaq üçün xüsusilə Qətər və Misir kimi dost ölkələrdən böyük təşəbbüslər var. Biz əvvəldən bütün fikir və təkliflərə ciddi yanaşırıq" - deyə Usamə əl Həmdan qeyd edib.
O bildirib ki, istədikləri müvəqqəti atəşkəs deyil, daimi atəşkəsdir.
Qeyd edək ki, oktyabrın 7-də İsrailə hücumlar olunub. Əvvəlcə Qəzza bölgəsindən reaktiv mərmilərlə kütləvi atəş açılıb, daha sonra döyüşçülər əraziyə qurudan, havadan və sudan daxil olublar.
İsrail müharibə vəziyyəti elan edib. Bundan başqa, İsrailin müdafiə naziri Yoav Qallant ehtiyatda olan hərbçilərin kütləvi çağırışını elan edib.
Hafiz Rufizoğlu
