Əsas səhifə » Bu forum daha ədalətli bir dünya qurmaq inamımızı gücləndirir - Fəxrəddin Altun

Bu forum daha ədalətli bir dünya qurmaq inamımızı gücləndirir - Fəxrəddin Altun

BAKI, AzerVoice

Türkiyə Prezident Administrasiyasının Kommunikasiya İdarəsi tərəfindən təşkil olunan “Stratcom Public Forum” çərçivəsində “Daha Ədalətli Bir Dünya Mümkündür” adlı panel iclası keçirilib.

AzerVoice xəbər verir ki,forum çərçivəsində Türkiyə Prezident Administrasiyasının Kommunikasiya İdarəsinin rəhbəri Fəxrəddin Altun onlayn çıxış edib.

O bildirib ki, Türkiyə dünyada ədalət və qlobal birlik ideyasına sadiqdir:

"Türkiyə olaraq beynəlxalq arenada ədalətin və bütövlüyün qorunmasına önəm veririk. Bizim bu baxışımız qlobal miqyasda Türkiyənin beynəlxalq inteqrasiyasını hədəfləyir. Son illərdə BMT-nin əsas missiyası və beynəlxalq proseslərə təsiri zəifləyib. Bu kontekstdə Türkiyə Prezidenti Rəcəb Tayyib Ərdoğanın ‘Dünya beşdən böyükdür’ çağırışı daha ədalətli bir dünyanın mümkünlüyünü vurğulayır.” - deyə o bildirib.

Altun forumun əhəmiyyətini qeyd edərək,

"Keçirdiyimiz panel müzakirələri müxtəlif baxışları bir araya gətirərək daha güclü dialoq platforması yaratmağı hədəfləyir. Bu forum ədalətli bir dünyanın qurulması istiqamətində inamımızı daha da artırır.”- deyə vurğulayıb.

Digər Kateqoriyalar

2025 © Azervoice