BAKI, AzerVoice, Nailə Babazadə
ABŞ Senatının Təxsisat Komitəsi İsrailə ən azı 3,3 milyard dollar hərbi yardım ayrılmasını və Fələstinə edilən maliyyə dəstəyinə yeni qadağaların qoyulmasını nəzərdə tutan qanun layihəsini təqdim edib.
AzerVoice xəbər verir ki, büdcə layihəsinə əsasən, İsrailə ayrılacaq vəsaitin 30 gün ərzində köçürülməsi və müasir silah sistemlərinin alınmasına sərf edilməsi planlaşdırılır.
Sənəddə Fələstinə göstərilən təhlükəsizlik yardımları üçün sərt şərtlər müəyyən edilib. Əgər fələstinlilər İsrail rəsmiləri barəsində Beynəlxalq Cinayət Məhkəməsində təhqiqat başladılmasına dəstək verərsə və ya İsrail ilə razılaşma olmadan BMT-də tamhüquqlu üzv statusu alarsa, ABŞ-ın bütün maliyyə yardımları dondurulacaq. Bu addım Vaşinqtonun Fələstin rəhbərliyinə qarşı təzyiqləri artırmaq strategiyasının bir hissəsi kimi qiymətləndirilir.