BAKI, AzerVoice, Nailə Babazadə
Türkiyənin Milliyyətçi Hərəkat Partiyasının (MHP) sədri Devlet Bahçeli partiyasının Türkiyə Böyük Millət Məclisindəki qrup toplantısında çıxış edərək İrandakı hadisələrin və ölkənin ərazi bütövlüyünün əhəmiyyətinə toxunub.
AzerVoice xəbər verir ki, Devlet Bahçeli İranın ərazi bütövlüyünün bölgə üçün həyati önəm daşıdığını vurğulayıb. O bildirib ki, İranda baş verən hər hansı bir narahatlıq və sabitliyin pozulması həm Türkiyəni, həm də bütün regionu birbaşa təhdid edir. MHP lideri İrana müdaxilə etmək istəyənlərin niyyətlərinin bəlli olduğunu və bu təhdidlərin Türkiyə üçün tanış ssenarilər olduğunu qeyd edib.
Devlet Bahçeli çıxışında həmçinin türk və kürd xalqları arasındakı qardaşlıq bağlarına diqqət çəkib. O, kürd vətəndaşların çəkdiyi ağrıların hər kəsin ortaq ağrısı olduğunu ifadə edərək türkün qanının kürdə, kürdün qanının isə türkə haram olduğunu xatırladıb. Bahçeli bölgədə sabitliyin qorunması üçün birliyin vacibliyini bir daha önə çıxarıb.