BAKI, AzerVoice, Nailə Babazadə
Səudiyyə Ərəbistanının xarici işlər naziri Şahzadə Faysal bin Fərhan bin Abdullah çərşənbə axşamı günü Malayziya xarici işlər naziri Məhəmməd Hacı Həsən ilə telefon danışığı aparıb.
AzerVoice xəbər verir ki, danışıqlar zamanı iki ölkə arasında ikitərəfli münasibətlər, regional və beynəlxalq məsələlər, həmçinin qarşılıqlı maraq doğuran digər aktual mövzular müzakirə olunub. Nazirliklər arasında iqtisadi əməkdaşlıq, ticarət, turizm və mədəni əlaqələrin gücləndirilməsi də görüş zamanı diqqət mərkəzində olub.
Hər iki tərəf əlaqələrin daha da inkişaf etdirilməsi və qarşılıqlı faydalı layihələrin həyata keçirilməsi istiqamətində əməkdaşlığa hazır olduqlarını bildiriblər.