BAKI, AzerVoice, Nailə Babazadə

İranın dəstəklədiyi Yəməndəki husilər, İsrailin paytaxt Səna şəhərindəki elektrik stansiyası və yaşayış məhəllələrinə hava hücumları nəticəsində 9 nəfərin həlak olduğunu, 174 nəfərin isə yaralandığını bildiriblər.

AzerVoice xəbər verir ki,Husilərin nəzarətində olan SABA xəbər agentliyində yer alan xəbərə görə, dünən İsrail ordusunun Sənaya yenidən hava hücumları təşkil etdiyi bildirilib.

Husilərə bağlı Əl-Məsirə televiziya kanalının xəbərində "İsrailin Sənaya yönəlmiş hava hücumlarında Zahban elektrik stansiyası və yaşayış məhəllələri hədəf alınıb." - deyə qeyd edilib.

Xəbərdə qeyd edilir ki, hava hücumları ilə vurulan məhəllələr Muin, ən-Nahdeyn və Hadde bölgələrində yerləşir.

Husilərə bağlı Yəmən Səhiyyə Nazirliyinin verdiyi açıqlamada İsrailin sözügedən hücumlarında 9 nəfərin öldüyü, 174 nəfərin yaralandığı bildirilir.

Açıqlamada həmçinin qeyd edilib ki, İsrailin hava hücumu baş verdiyi məhəllələrdə axtarış-xilasetmə işləri davam edir.

İsrail ordusunun verdiyi yazılı açıqlamada isə husilərə aid “hərbi hədəflərə qarşı genişmiqyaslı hücum” təşkil edildiyi bildirilib.

Çoxsaylı qırıcı təyyarələrin iştirak etdiyi hücumlarda husilərə məxsus qondarma Baş Qərargah idarəetmə mərkəzinin də hədəf alındığı qeyd olunub.

İsrailin Müdafiə naziri İsrael Katz isə ABŞ-ın X sosial media platformasındakı hesabında Sənaya edilən hücumla bağlı yazılı açıqlama yayıb.

Sənada "husilərə aid çoxsaylı hədəfi" bombaladıqlarını bildirən Katz, çox sayda pilotsuz uçuş aparatı (PUA) və silah anbarlarını məhv etdiklərini iddia edib.

Husilər dünən İsrailin cənubundakı Eylat şəhərinə partlayıcı yüklü PUA ilə hücum təşkil etmiş, nəticədə onlarla insan yaralanmışdı.