BAKI, AzerVoice, Səməd Əyyubov
Qəzzadakı müharibə, HƏMAS-ın girovları azad edəcəyi və silahını yerə qoyacağı təqdirdə başa çata bilər.
AzerVoice xəbər verir ki, bunu İsrailin xarici işlər naziri Gideon Saar deyib.
“Fələstinlilərlə sülh yalnız ikitərəfli razılaşma yolu ilə əldə oluna bilər. Digər ölkələrin Fələstin dövlətini tanıması sülhə gətirib çıxarmayacaq” - deyə, o əlavə edib.
Onun sözlərinə görə, Fələstin dövlətinin yaradılması İsrailin təhlükəsizliyini risk altına qoya bilər.
Qeyd edək ki, İsrail ordusunun Qəzzaya son 24 saat ərzində həyata keçirdiyi hücumlarda 87 fələstinli həlak olub, 409 nəfər isə yaralanıb.