BAKI, AzerVoice, Fərid Mikayılov
BMT baş katibi Antonio Quterreş İsrailin Qəzza şəhərinə qarşı genişmiqyaslı hərbi hücum başlatdığı bir vaxtda bölgədə dərhal atəşkəs elan olunmasına çağırıb.
AzerVoice xəbər verir ki, Quterreş bildirib ki, Qəzzada hərbi əməliyyatların davam etməsi böyük insan itkilərinə və geniş dağıntılara səbəb olacaq.
“Qəzzada dərhal atəşkəsə nail olmaq, bütün əsirlərin qeyd-şərtsiz azad edilməsi və hərbi əməliyyatların doğuracağı kütləvi ölüm və dağıntıların qarşısını almaq həyati əhəmiyyət daşıyır”- deyə o bildirib.
BMT baş katibi, həmçinin İsrailin Qərb sahilində məskunlaşma fəaliyyətlərini kəskin tənqid edib.
“Bütün məskunlaşma fəaliyyətləri beynəlxalq hüququn pozuntusudur. Qərb sahilinin parçalanmasına səbəb olacaq bu plan dayandırılmalıdır”- deyə Quterreş vurğulayıb.
HƏMAS rəsmiləri İsrail baş naziri Benyamin Netanyahunun beynəlxalq vasitəçilik təşəbbüslərini görməzdən gəldiyini, Qəzza şəhərinin hərbi işğalı planı ilə irəlilədiyini açıqlayıb.