BAKI, AzerVoice, Fərid Mikayılov
Qəzzada davam edən müharibə fonunda atəşkəs danışıqları yenidən gündəmə gəlib.
AzerVoice xəbər verir ki, Qətər, HƏMAS-ın Ərəb ölkələrinin təqdim etdiyi təklifə “olumlu cavab” verdiyini açıqlayaraq atəşkəsin təcili şəkildə təmin olunmasının vacibliyini vurğulayıb.
Lakin İsrail hələlik mövqeyini bildirməyib.
Qətər Xarici İşlər Nazirliyinin sözçüsü Macid əl-Ənsari razılaşmanın detallarını açıqlamasa da, daha əvvəl İsrailin qəbul etdiyi planla “demək olar ki, eyni” olduğunu bildirib. Təklifə görə:
- 60 günlük müvəqqəti atəşkəs,
- Hamasın əlindəki bəzi girovların azad edilməsi qarşılığında yüzlərlə fələstinli məhbusun sərbəst buraxılması,
- Qəzzaya humanitar yardımın artırılması,
- Daimi atəşkəs üçün əlavə danışıqlar nəzərdə tutulur.
İsrail isə bildirir ki, bütün girovlar azad olunmadan və HƏMAS silahsızlandırılmadan müharibə dayandırılmayacaq. İsrailin Müdafiə naziri İsrael Katz açıqlamasında Qəzza işğalı ehtimalının HƏMAS-ı danışıqlara məcbur etdiyini deyib.
"Onlar yalnız Qəzzanı ciddi şəkildə işğal etmə niyyətimizdən qorxduqları üçün masa arxasına qayıdıblar"- deyə Katz bildirib.