BAKI, AzerVoice, Səməd Əyyubov
İraqın mərkəzi və cənub bölgələrində elektrik enerjisi tamamilə kəsilib.
AzerVoice xəbər verir ki, paytaxt Bağdad da daxil olmaqla ölkənin mərkəzi şəhərlərində və cənub bölgələrində qəfil elektrik kəsintisi baş verib.
Məsələ ilə bağlı aidiyyəti qurumlar hələlik açıqlama yaymayıb.
Qeyd edək ki, İraqda milli elektrik təchizatı gündə orta hesabla cəmi 5-8 saat təmin olunur. Ölkədə illərdir həllini tapmayan enerji çatışmazlığı problemi səbəbindən, ətraf mühitə zərərli olan ödənişli məhəllə generatorlarından istifadə edilir.
