BAKI, AzerVoice, Zeynəb Raminqızı
Qəzza zolağının hamısını işğal etməyə qərar verdiyi bildirilən İsrailin baş naziri Benyamin Netanyahunun yüksək səviyyəli təhlükəsizlik rəsmiləri ilə görüşəcək.
AzerVoice xəbər verir ki, İsrailin Kanal 12 televiziyasında yayımlanan xəbərdə Netanyahunun müdafiə naziri Yisrael Katz, strateji işlər naziri Ron Dermer və Baş Qərargah rəisi Eyal Zamirin iştirakı ilə görüş keçirəcəyi bildirilir.
Görüşdə Qəzzaya hücum planlarının müzakirə ediləcəyi güman edilir.
Qeyd edək ki, İsrail mediası Netanyahunun bütün Qəzzanı işğal etmək qərarı verdiyini bildirib. Baş Qərargah rəisi Zamirin bütün Qəzzanı işğal etmək planına qarşı olduğu iddia edilib.
Netanyahunun ofisinin Zamirə “Bütün Qəzzanı işğal etmək planı sizə uyğun gəlmirsə, istefa verməlisiniz” mesajı göndərdiyi bildirilir.