BAKI,
AzerVoice
Suriya Latakiyadakı yanğınlar üçün Aİ-dən beynəlxalq yardım
istəyib.
AzerVoice xəbər verir ki, Suriyanın fövqəladə hallar və fəlakətlərin idarə edilməsi naziri Raed əl-Salih Latakiya vilayətində bir həftədir davam edən meşə yanğınlarının söndürülməsi üçün Avropa İttifaqından (Aİ) və beynəlxalq ictimaiyyətdən dəstək istədiklərini açıqlayıb.
Nazir Saleh bildirib ki, güclü küləklər səbəbilə alovlar Həsəniyyə Fələk kəndinə qədər yayılıb, lakin Mülki Müdafiə qruplarının və yerli əhalinin səyi nəticəsində bəzi sahələrdə yanğın nəzarət altına alınıb. Hadisə zamanı insan itkisi qeydə alınmasa da, 10 nəfər Mülki Müdafiə əməkdaşı tüstüdən zərər görərək xəsarət alıb.
Hazırda Kepir, Murtlu, Ablaklı və Gebere kəndlərində yanğınsöndürmə əməliyyatları davam edir. Helikopterlərlə havadan müdaxilələr aparılır və bəzi kəndlərdə alovların qarşısı alınıb. Yanğının əsas prioriteti mülki əhalinin təhlükəsizliyini qorumaqdır.
Qeyd edək ki, Latakiyanın şimal bölgəsində baş verən yanğınlar 10 min hektardan çox meşə və kənd təsərrüfatı sahəsini əhatə edir. Suriya rəsmiləri bu miqyasda fəlakətlə mübarizədə beynəlxalq həmrəylik və yardımın vacibliyini vurğulayırlar.
