BAKI, AzerVoice
İsrailin Baş naziri Benyamin Netanyahu bu gün video bəyanatında girovlarla bağlı danışıqlarda əhəmiyyətli irəliləyişin əldə olunduğunu bildirib.
AzerVoice xəbər verir ki, bu barədə "Times of Israel" qəzeti məlumat yayıb.
Netanyahu, bu açıqlamasından sonra eyni zamanda girov mübadiləsi ilə bağlı nazirlər və məsləhətçilərlə yüksək səviyyəli telefon müşavirəsi keçirəcəyini qeyd edib.
İsrailin xarici işlər naziri Gideon Saar da son zamanlarda girov mübadiləsi danışıqlarəhəmiyyətli irəliləyiş əldə olunduğunu bildirib.
"Əvvəlki təcrübələrə əsaslanaraq bu mərhələdə gözləntiləri yüksək tutmaq istəmirəm. Ancaq atəşkəsi təmin edəcək bir razılaşmaya gəlməkdə maraqlıyıq" – deyə, o əlavə edib.
Qeyd edək ki, ABŞ İsrail və HƏMAS-a 60 günlük atəşkəs təklif edib. İsrail şərtlərə əməl edəcəyini bildirib, lakin HƏMAS hələ də plana razılıq verməyib.
Təklifə əsasən, ilk həftədə İsrailin 28 girovu, o cümlədən bəzi cəsədlər qaytarılacaq, əvəzində isə 1236 fələstinli məhbus və 180 fələstinlinin cəsədi azad ediləcək.
