BAKI, AzerVoice
İsrail ordusu Suriyanın cənubundakı Məzarət Bəyt Can bölgəsində hava zərbəsi endiriblər.
AzerVoice-un məlumatına görə, bu barədə ordunun verdiyi açıqlamada bildirilib.
Açıqlamada, hücum zamanı HƏMAS-ın bir üzvünün hədəf alındığı qeyd olunub. HƏMAS bu barədə hələ bir açıqlama verməyib.
Xatırladaq ki, İsrail keçən çərşənbə axşamı bildirib ki, o, ölkəyə doğru atılan iki raketə cavab olaraq Suriyaya aid hərbi obyektləri hədəf alıb və İsrailin müdafiə naziri israel Katz, Suriya Prezidenti Əhməd əş-Şəraanı məsuliyyətə cəlb edib.
Dəməşq isə, İsrail tərəfinə atılan raket hücumunun doğru olub-olmaması ilə bağlı məlumatların təsdiqlənmədiyini bildirib. Rəsmi Dəməşq, İsrailin hava hücumlarının Suriyanın inkişafını və sabitliyini pozmağa yönəldiyini bildirib.
Suriya Xarici İşlər naziri Əsəd Həsən Şeybani, Avropa İttifaqının (Aİ) Aralıq Dənizi üzrə Komissarı Dubravka Şvitsa ilə keçirdiyi mətbuat konfransında bildirib ki, İsrailin son hücumları yalnız beynəlxalq hüququn pozulması deyil, həm də Suriyanın inkişafını və sabitliyini zəiflətmək məqsədilə koordinasiya edilmiş təxribata bənzəyir.
"Bu hücumlar qanunsuz qrupların bu qarışıqlıqdan istifadə etmələri üçün şərait yaradır" - deyə, Şeybani xəbərdarlıq edib.
