BAKI, AzerVoice
2023-cü ilin oktyabr ayından bəri İsrailin hücumları nəticəsində Qəzza zolağında 58 mindən çox insan həlak olub.
AzerVoice xəbər verir ki, bu barədə Fələstin səhiyyə mənbələri məlumat verib.
Məlumata görə, ümumilikdə bu müddət ərzində Qəzzada 58 min 26 nəfər həlak olub, 138 mindən çox insan isə yaralanıb.
Mənbələrin bildirdiyinə görə, son sutka ərzində Qəzza zolağında azı 134 nəfər həlak olub.
Qeyd edək ki, İsrail Qəzza zolağında hərbi əməliyyatlarını 2023-cü il oktyabrın 7-də HƏMAS-ın İsrail ərazisinə hücumundan sonra başladıb.
İsrail tərəfi dəfələrlə Qəzzada həlak olanlarla bağlı fələstinli tibb qurumlarının təqdim etdiyi rəqəmlərin dəqiqliyini şübhə altına alıb.